Besta goxo bat
Zubiria, Jean Pierre (Panpilli)
1
Oroitgarrizko egun ederra, larunbateko eguna
Gure artean luzaz egoin da horren oroitzapen ona
Sant Andres hortan ospatu dugu parropiako patroina
Jesusek hartu apostolutan hori izan da lehena
2
Bi emazteki ezagutuak, izanak adin batetan
Egin hobeki ohoratuak izan dire meza hortan
Bizi guzia ereman dute beti bertzen zerbitzutan
Goiz edo berant ongi egin pagatzen da sarietan
3
Meza hortara bildua bazen kasik kokahala jende
Jaun erretora denen gidari beti lixto eta erne
Ahalaz ongi ohoratzeko musikari bi andere
Berrogoit'hamar urtez izanak elizan organo joile
4
Gure laguntzen kantuz artzeko etorria zen korala
Apezpikuaren ordain jina bikario jenerala
Bi andre hoiek saristatzeko merezi zuten bezala
Hola bieri eman diote diploma eta medaila
5
Apez kargudun horrek derauku kartsuki eman hor meza
Bertze sel apez bazituela bore ondoan laguntza
Elgar Juntatuz kartsuki dugu egin kantu ta otoitza
Sant Andres gure patroin haundia, otoitz egizu guretza
6
Jaun harek berak egin baitauku xarmanteko predikua
Horren hizkuntza, ainitz garbia, xeheki eta kartsua
Euskal-Herrian gutiz geihenez aspaldi ezagutua
Zerutik ukan dohain haundiaz bihotza du hanpatua
7
Mezatik landa ertorak dauku deneri komita eman
Heiekin denak berriz biltzea gazteriak duen salan
Alegeraki holaxe dugu denek xorta on bat edan
Apur bat on ere pasatu eleka elgarrekilan
8
Denbora laster pasatzen baita, emeki gare berexi
Resta on horrek guziak gaitu ainitz alegera utzi
Resta hoi hola muntatzaileek eskerrak tuzte merezi
Biba Sant Andreseko aoezak eta Hiriart-Urruty