Bertsularien alde
Zubiria, Jean Pierre (Panpilli)
1
Denen gostua ez da errex egitia!
Eskualdun kazetan da agertu hauzia;
Jaun pertsulari hoitaz, mintzo da jendia,
Talendua dutela ahultzen asia.
2
Urrugnan egiten da pertsuen eguna;
Leku famatua da hortakotz Urrugna.
Makur bidea hortik aurten dugu jina:
Ez dutelakotz egin usaiako lana.
3
Horren ondotik dire zombeit errengura:
Pasatzen asia da jaun hoien denbora;
Besta hori dadien egon alegera,
Molde berri batzuek artu behar dira.
4
Geroztik entzun ditut hiruetan naski:
Sala hoitan jendia bildu da nasaiki;
Mukuruka beteak kadir eta alki;
Guziak xoratuak gaituzte atxiki.
5
Bakotxak duen hura ez da behar kendu,
Bere bide zuzena egiak nahi du;
Zer nahitan bardin du huni egin kondu,
Manatzeko manerak ainitz egiten du.
6
Asko ofizio da ikasten aizanez
Bainan pertsulariak beteak dohainez
Hoien izpiritua abila da zinez,
Zernairi errepusta emaiteko kolpez.
7
Jaun hoŕiek direno artzeko pertsutan,
Bestak eginen dire eskual herri hoitan;
Jainkoari galdea iten dut frangotan
Oradinak etor diten gazte horietan.