Bertsularia kontent
Zubiria, Jean Pierre (Panpilli)
1
Aire chahar batean esplika baneza
Egun zertako dudan hain kontent bihotza.
Kantuak ezarririk ahal bezen ontsa
Ongi! saristatua naute lan harrentza (bis)
2
Bihotza hanpatua nago lorietan
Berria ikasirik eskualdun kazetan,
Saria badudala konkur berri hortan:
Bihotzez guzieri eskerrak bietan (bis)
3
Eskualdun biltzarrak du in konkur berria,
Bakotchari emanez merezi saria:
Gerore entzuteko, kantuz gazteria,
Kantuz bizi dadien Eskualdun herria (bis)
4
Batzuk poemak eta bertzeak kantari,
Ukan ahalarekin bakotcha da ari:
Zer merezimenduak jaun juje hoieri!
Deneri eman dute beren doia sari (bis)
5
Guzien nagusia Iratchet apeza;
Berekin ereman du dirualde gaitza:
Eskola badu eta jakin nola pentsa:
Hori zen etsenplua gazte horientza! (bis)
6
Laudatu nahi ditut ainzindairi jaunak;
Ez dira bethi errech hoik dituzten lanak;
Sakrifikatzen tuzte gau eta egunak,
Eskualdun egon daitzin bethi eskualdunak (bis)