Aisetarrak
Zubiria, Jean Pierre (Panpilli)
1
Aisetarrak gaitutzu sortzez Bidartarrak:
Haur dembora etortzen ardura gogorat;
Arrantzaleak gare Aita zen bezala;
Hiru semek segitzen harek utzi sailha...
2
Itsas-hegian ginen etche ttiki batian
Ur-xiripa aldian, fiko bat atian:
Zombeit pausa eginak hunen itzalian;
Josteta, kantu, othoitz, aita-amekilan!
3
Aitaren untzi churia gure «Eglantina»
Portuko chalupetan belan abilena:
Haize mota guziez airoski zabilan,
Itsas chorien pare arrainen lekuan.
4
Gure aita Piarres gizon bat zuzena,
Haundi bezen prestua, arrantzailhe ona;
Ama Jana Mari zuen munduko laguna;
Sei haur hoien altchatzen izan dute lana.
5
Hiru seme mariñel ta hiru alaba;
Denak familatuak, erran gabe doha:
Burasoen bidia chuhurki segitzen,
Zerutik guri beha kontent izan diten!
6
Holache bizi gare aitamaz orhoituz;
Dada gabe zeruan biak dira urus.
Egun batez agian zuen gana bilduz
Fiko pean bezala haiko gare kantuz!