Loraz bete dadin lurra
1
Eustakion ta Txaton ondoan
loraz bete dadin lurra
denok gabiltza egin nahirikan
omenaldi bat xamurra
nik espetxetik jarri nahi nuke
jar dezakedan apurra
nahiz badakidan izango dela
pobrea eta laburra
nere partetik eman nahi diet
bihotz bihotzez agurra (bis)
2
Gaztetatikan egina zuten
burruka euskaran alde
gure herritik erdal hizkuntzak
egin dezan azkar alde
haien ametsa zen izatea
subirotasunen alde
baina gauz hori ez da lortuko
burruka luzerik gabe
horretarako saiatu dira
horregatik hil dirade (bis)
3
Itsasondoan jaio zineten
eta Itsasondon hazi
zoritxar batez herri hontatik
gaztetatikan ihesi
hala ta guztiz zuen morala
nolatan makur arazi
zuen antzeko mutilarekin
ziur baietz irabazi
zuen esenpluz beste guztiok
badaukagu zer ikasi (bis)
4
Gure herriko jabetzan aurka
ezarri zuten legea
oraindik ere honela dirau
bortitz ta lotsa gabea
suntsitu dadin eraman dute
burruka guztiz trebea
bizia galduz Txato, Txikia
ta beste zenbait jendea
baina aurrera doa baikorki
jarri ziguten bidea (bis)
5
Eustakioren azken arnasen
testigua zen Algorta
ta Txato aldiz GAL izeneko
balak egin zuten bota
horrela biei ezarri zien
errepresioren soka
nahiz ta tamalez bi heriotzak
herriari asko kosta
loratuko da haueri esker
askatasun lore sorta (bis)
6
Zuen oroitzaz idatzi dira
Euskal Herrin hainbat paper
testigu gisa Bidasoako
bai eskuin eta bai ezker
bide zuzena jarraitzeko ez
zineten ibili oker
ta horren froga ikusiko da
danoren aurrean lister
gauzak honela besterik gabe
nere partez mila esker (bis)
Apaolaza, Martin