Laztandu daigun

Ondarzubi

 Laztandu daigun, bigun-bigunki,

 Jesus Umetxo txit ona,

 Lasto gaiñean, samur-samurki,

 Irribarreka dagona.

 Erri guztiak kantari dira

 Zuri goraka, Jesustxo,

 Estalpe baten, Jaungoiko andi,

 Agertu zara Umetxo.

 Pozaren pozez, zuri begira,

 Ona emen gu, Laztantxo;

 Guztion kantu ta eskariak

 Entzun samurrez, kutuntxo.

 Zure ezpanak barrezka dira,

 Zure begiak dizditsu,

 Bake ta poza ekarri nairik

 Maitez begira, alaitsu.

 Kanta-kantari, gogo ta soiñez,

 Ona gu danok umiltsu,

 Goiko bakeaz bete gaitzazun

 Zuri otoika, eztitsu.