Oraingo aldiya
Zimelkaitz
Aldi batian egonduba da
euskal jendia etsiya
beren gogoko etzala ori
ondo dago ikusiya
noizbait bear da lortu zanian
lendik luze iritziya
ortxe dabiltza bete nayian
lengo utsune guztiya.
Nagikeri ta opor gogorik
Jaunak, ayetan eztago
garai onetan nago dutela
iñoiz bañore presago
emengo batzar, ango itzaldi
egundo baño arego
askotan ezin zitezken jardun
orain baño gogozago.
Goiko mallako olerkariyak
euskal erriyan badira
oraindik zenbait aurkez berriyak
otsegindako tokira
"Loramendi"ren omenez aurten,
deitu zuten batzaldira
"Jautarkol" jaunak bere almena
beragertu du argira
zorion-agur barren-barrendik
biyotz on baten neurrira.
Nekazariyen bazkuna ere
ezin ba utzi esan gabe
gure onian badira zenbait
langille bizkor da trebe
Don Poli eta Murua lenen
baditugu geyagore
orla badabiltz izango dira
nekazariyaren abe
ongi merezi dute izatia
eskerrik onenen jabe.
Nekazariyak aditzera bat
zuei nua ematera
batasunian dala indarra
au da lengo esaera
berau baidegu gogo deguna
erraz ortutzeko era
ez piya kaiztu gaitz nai dutenen
esan batzuek gora-bera
era onetan sendotuko da
Jaunak gure izaera.