Kaixo Itsaspu ondo
Zikintto
I
Kaixo Itsaspu ondo
itxaropenez noakik
hemen nabilek euskal menditan
gure txoko hauetatik
azken urtetan zerbaiten falta
eta zer den bai al dakik?
hi bezalako ehiztaririkan
ez dabilela hemendik
II
Beti bezala hemen nabilek
hegan ta erdi korrika
zeren badakik nola ibiltzen
garen gu gorde-gordeka
bestela zakur eskopeta ta
ilun bistan gu bilaka
ehiztari asko ikusten diat
zaintzen hasteko tiroka
III
Azpalditikan ezagun dizkit
mendi hauetan txokuak
ehiztari askok bilatu gabe
bizitzeko moduak
halare inoiz beldur galantak
hik emanda nik jasuak
izan ere bai ote txokorik
hik korrittu gabekuak
IV
Askorengatik lasai antxean
sarritan egin diat farra
baina txokotik ikusiz gero
urruti Iker zakurra
bere jabea atzetik erne
ta eskopeta okerra
txorakeriak ahaztutzen ziren
ai! zer nolako beldurra
V
Egun batean kriston eskapa
geroztik ezin haut ahaztu
aldi berean bizirik laga
hidan ta nahi eskertu
nire ustetan zuhur gorderik
hara!Ikerrek aurkitu
nonbait Itsaspu gizona izan
ez bait zida disparatu
VI
Mendian gora mendian behera
guztiz izerdi patxetan
haserreturik ikusten ez da
oilagor bat beharrikan
nirekin topo egin orduko
pozik Itsaspu benetan
niri begira geratu hintzen
ezpainak irri farretan
VII
Iker zakurrari usaina hartzen
ongi irakats hiona
eta heu berriz lisfrutatzera
hona etortzen hintzena
nonbait haragi beharrikan ez
hintzelako harakina
eskerrak horri salbatu nauk ni
ta gaur haiz nire laguna
VIII
Azken bost urte hauetan diat
arazo gutti izana
ez hagoala nabaria duk
benetan diat esana
hire gogoa euskal mendiak
dittuk hator azkar hona
eman nahi diat geratzen zaidan
nire azken zoriona
IX
Oraintxe zahar zahar natxiok
ta egin nahi diat gustua
hil behar denez aukera nahi diat
nire azken destinua:
Ikerrek aurkitu ta eskopeta
okerrak xuxen tirua
gero kaxuel batean izan
hiretzat mokau goxua
X
Agur esanaz etorri hadi
lur siku horietatikan
hire beharra bazegok hemen
txoko hauen babesetan
oilagorrak ta... ehiza orohar
erabat galdu ez dezan
hiretzat ongi etorri neuk
hasiko diat kantetan
