Joana dohatsuari
Ziburutar bat
Joana, Frantziaren ohorea
Zure bandera da gurea
Begira dezan hazkar Fedea
Lagun zazu frantses jendea.
1
Zure demboran etsai arrotzak
Frantzia zuen ja beretu;
Sentitzen zuen zure bihotzak
Zer behar zen laster gertatu.
Entzun ditutzu zeruko bozak
Jaunaren phartez hek manatu
Kasa ditzatzun etsai borthitzak
Zuk behar Frantzia libratu.
2
Utzirik etche-ta burhasoak
Bazoaz lañoki, Joana,
Zuretzat dire trufa, laidoak,
heldu arte Erregeren gana.
Onhesten ditu zure gogoak,
Armadan buru zare emana
Orleanen laster soldadoak
Zurekin sartu: handik zure omena.
3
«Jesus, Maria» Zure banderan,
Bi hitz, hoik zintuen ezarri.
Animoarekin, hoien gerizan
Angelesari jazarri.
Birjina gazte soldadu pean
Fidel zure berthuteari
Zure indarra, Gorphutz-Sainduan
Zinduela hartzen, ageri.
4
Zuri jarraikiz Errege gazte
Erresumaz gabetua,
Izan zen laster-nork zuken uste?
Reims-en, Elizan, sahratua.
Orai utziko othe zaituzte.
Libro, zu Jaunak hautatuz?
Zure beharra bardin badute
Gelditzen zare othoiztua.
5
Handikan laster etsai gaichtuaz,
Izan zinen preso hartuz.
Juje infame, bihotz gabean,
hiltzerat, kondenatua.
Arima garbi, zerurat zohaz
Frantziaz bethi orhoitua:
Haren bakea, zure odola
Behar zen izan gorritua.
6
DOhatsu Elizak izendatua,
Joana Birjina maitea.
Herri guzian hain aiphatua,
Ikus zazu, gure Fedea,
Zoin den itsuski gudukatua;
Etsai oldartu izen gabea
Izan bedi zutaz lehertua.
Joana Frantziaren lorea,
Zure bandera da gurea,
Ager zazu zure botherea,
Laguntzeko Frantses yendea.