|
Pelota-Txapelketari
Abeletxe
Igaz Anoeta'n zan;
aurten bere bertan:
Al ebenak barruan,
geyenak kaletan.
Bizi-bizi egoan
pelota-giroa,
aurrez-aurre bai ziran
Bizkai-Gipuzkoa.
Amargarren Atano
itxaropenetan,
Azkarate'n txapela
jazteko ustetan.
Bere lagunak ere
uste berdiņetan,
azkoitiarran aldez
dirua kantetan.
Asi da jokua ta...
orra aldakuntza:
Hillario'k sei tanto
Luxi'k esperantza.
Zazpigarren tantua
baita azkoitiarra
asi zan jokatzen.
lotatik itxartzen.
Aren dinbi-danbea!
Axe zan ekiņa!
Sei tanto laster ein dauz
Azkarate'k aņa!
Jendea zoraturik
alkar eupadaka,
benetako burruka
aurrean bai dauka.
Jarraituaz jokua
atara Atano'k,
Azkarate ezpazan
ezin jaso iņok.
Ez jaso bakarrikan
erantzun ondiņo!
An doa pelotea
erreboteraņo!
Batak eta besteak
dingi eta danga!
Il arteko jokuan
itxurrea dauka.
Joko-lege orretan
jardunaz gogorki,
amazazpiņa daukez
mundu danak daki!
Ango estutasuna!
ango zaratea!
Atano gordin dago
"aulduta" bestea!
Baņa barriz be ustel
askoren ustea,
Azkarate'k jaso dau
Atano'n sakea.
Sakea jaso eta
atzean bastartu:
Ogeta bi ein arte
etxatzu geratu.
Geratu... Atano zan,
an zana geratu;
ez ridikuluan!
amazazpi tantun!
Asko jokaturikan,
amazazpi egin;
Ilari'k eztau galtzen
arrazoi orrekin.
Zenbat eta geyago
Atano'k jokatu,
Azkarate'n ospea
berak dau goraldu.
Guk be goraltzen doguz
bi pelotariak,
egin zituztelako
alegin guztiak.
Aupa beraz Atano
azkoitiar ori!
ta gora Azkarate!
gure Txapel-andi!!
|
