Jaasaus, mutillak!
Abeletxe
Iru illoba dodaz
Zeruak egiñak,
Ederragorik ezin.
Geienez berdiñak.
Begiak izar dabez
Masailla gordiñak:
Zoratu biar nabe!
Batez be txikiñak.
Alazne ta Imanol
Bikotiak dira,
Oraintxe eldu yatzuz
Eurok urte bira.
Zuriñe'k ondikarren
Urte bete daka,
Oiñaz ikasi dau-ta
Babil taka-taka.
Aingeruen irria
Dabe ezpanetan,
Titili-potoloka
Asiak izketan.
Enia ta kokolo
Nanan ein goizetan,
Papa eta txitxia
Eskatzezdunetan.
Potolo diran arren,
Aala Jainkua!
Imanoltxok izan dau
Makal-alditxua.
Galde dautsodanian:
-Zer dozu, gaxua?
Gizajuak erantzun
"Aitita, pupua".
Txikiña txiki baña
Jakituriz andi,
Sudur eta okotza
Nun dauzkan ba-daki.
Txatxurtxuak zorrotzak,
Kausk eiten be baki;
Atzamarrik abora
Ez emon berorri.
Txatxa, koko, pitxia,
Apatx, lolo, pix-pix,
Pa, ma, eta tatoka,
Orrelaxen gabiltz.
Popak, apapa, ñañan,
Jolasetan kiku;
Gure etxian danak
Ziaro umetu.
Gauza txikia andi
Izan biar zala.
Autor biar dautzuet
Nik ez nekiala.
Ikusiko ba'zeunke
Kutunon azala,
Esango zeunke argi
zaizkuak dirala.
Argizaizko izatia
Gauza andia eztala?
Zartzarua poztutia
Ezta millagro makala!
Siñistu egizue
Orrelaxe dala,
Urte askuan Jaunak
Gorde dagizala.
Ira illoba dodaz
Zeruak egiñak,
Euren aboak dira
Zeruko ezkillak.
Odol-berritu nabe
Iru txirrizkillak.
Olako-olakorik!
Jaasaus, mutillak!!
|