Noren iduri aipatuko zaitut?
Sabiaga
I
Ederra ziņan, jesus maitea,
Gizon guzien artean;
Zure arpegi zuri-gorriak
Berdiņik etzun lurrean.
Zure burua, urre gorria;
Zure illeak, bel-beltzak,
Zure begiak, usoarenak;
Zure masallak, loreak.
Zure ezpaiņak, lili gozoak;
Zure eskuak, bitxiak;
Zure belaunak, ari zuriak,
Ure gaiņean jarriak.
Guzia ziņan zoragarria,
Zeruko Bildots otzana;
Guzia ziņan maitagarria,
Nere Jaungoiko laztana.
II
Nola beztu dan urre gorria,
Ikatz biurtu elurra!
Iņortxok ere eztu ezagutzen
Galdu dulakoz itxura.
Bere begiak ilundu dira,
igartu bere masallak.
Ez dute oraiņ edertasunik
Aren ile ta ezpaiņak.
Guziak dute oiņazpiratzen,
Xomorro txar bat bezela.
Gure obenak, gaiztakeriak,
Ezarri dute orrela.
Urtu zaitezte, nere begiak;
Urratu, nere biotza.
Nor ez kupitu, ikusirikan
Jesus maitea illotza?