Gure Bilbotxu, Bilbo da-ta
Abeletxe
Gure Bilbotxu, Bilbo data
Eztako Bilbo langorik;
Begoņatiko laztan guztiak
Geuretzako diralarik.
San Nicolás'ko eleiz-aurrean
Baraz ta txopo zugadi
Arriaga'ren intzez buztita
Guztiak musikalari.
Bilboko txoko ori izan da
Eresiaren euskarri.
Baratz-ostean, ibai erdian
Itxas-txoriak igari
Ango eresiaren soņuen
Txipli ta txapla dantzari.
Ibai-ertzean ontzi liraņak
Mosuka gure kalari
Euren sabelak treznaz beterik
Janariak be ugari.
Ortxe dabiltzuz mundua-zear
Eruan eta ekarri.
Igande goizez Udal-Etxetik
Urtenik txistulariak,
Orretzaz zerbait badaki gure
San Anton'go elizpiak.
Taparratapa, txiruliruli
Antxe bai soņu alaiak!
Eleiz ta zubi demazalako
Bilboko ikur maitiak.
Berak damotsoz bilbaotarrari
Indar ta kemen guztiak.
Lopez de Haro'k ibai-ertzean
Irasirik zun utziko;
Ordun txiki zan, koxkondu yetzun
Laister egin zan mutiko.
Azi ta azi, gizon andi da,
Egundo ezta zartuko,
Orain Asua'n bular barriak
Seguru asko betiko!
Jainkoak orla nal izan bei
Bilbon zorionerako.
Lanean trebe-trebeak dira
Bilbotar geien-geienak;
Burdiņak-burdin, ontziak-ontzi
Tren makiņarik onenak.
Erakusketak ortxe daukazuz
Mundua arritzen dutenak,
Ospe andia gure Bilbori
Errime emoten dautsenak.
Burni-ganean sortu zan Bilbo
Galtzairuzko ondorenak!
Zurrutean be eztira txarrak,
Ardau onenak maite dauz,
Euria bada, aterri bada
Edozein lekutan kantuz.
Abo-zapala sibaritena
Sabela bete makallauz,
Txipiroi, legatz, angulatxoak,
Arkume samurrak erruz!
San Josez Deusto'n txakoliņakin
Bustiten ikusikozuz.
Ibai-ganean sei zubi eder
Eta euretatiko bi
Nai dozunean itxiten dira,
Gura danean iriki.
Beste bat Portugalete'n dago
Axe zubi erraldoia!
Bere azpitik ontzi galantak
Txairo igaroten dira.
Txoritxu bat lez aidean dago
Agurka mundu guztira!