Gazi-gazak
Abeletxe
Iru illoba dodaz
Zeruak egiñak,
Ederragorik ezin,
Geieneg bardiñak.
Begiak izar dabez,
Masalla gordiñak,
Zoratu bear nabe!
Batez be txikiñak.
Alazne ta Imanol
Bikotiak dira,
Oraintxe eldu yatzuz
Eurok urte bira.
Zuriñe'k ondikarren
Urtebete daka,
Oñaz fkasi dau-ta
Babil taka-taka.
Aingeruen irria
Dabe ezpanetan,
Titili-potoloka
Asiak izketan.
Enia ta kokolo
Nanan ein goizetan,
Papa eta txitxia
Eskatzez dunetan.
Potolo diran arren
Aala Yainkua!
Imanoltxok izan dau
Makal-alditxua.
Galde dautsodanian
-Zer dozu, gaxua?
Gizajoak erantzun:
«Aitita, pupua».
Txikiña txiki baña
Yakituriz andi,
Sudur eta okotza
Nun dauskan badaki.
Txatxurtxoak zorrotzak,
Kausk eiten be baki;
Atzamarrik abora
Ez emon berorri.
Txatxa, koko, pitxia,
Apatx, lolo, pfx-pix,
Pa, ma, eta tatoka,
Orrelaxen gabiltz.
Popak, apapa, ñañan,
Yolasetan kiku;
Gure etxean danok
Ziaro umetu.
Gauza txikia andi
izan bear zala.
Autor bear dautzuet
Nik ez nekiala.
Ikusiko bazendu
Kutunon azala,
Esango zeunke argi
zaizkuak dirala.
Argizaizko izatea
Gauza andia eztala?
Zartzaroa pozaztea
Uta millagro makala!
Sinistu egizue
Orrelaxe dala,
Urte askoan Yaunak
Gorda dagizala.
Iru illoba dodaz
Zeruak egiñak,
Euren aboak dira
Zeruao ezkillak.
Odol-berritu nabe
Iru txirrizkillak,
Alako-alakorik!
Jasaus mutillak!!
Orduan iru ziran,
Gaur dira amabi,
Aldia ezta lotzen,
Gelditzeke dabil.
Neskatan zazpi dira,
Mutilletan bosta,
Baratz ederra dogu
Iru semen kosta.
Imanol, Iñigogaz,
Lezo, Yon eta Paul,
Mindegi baikorra da
Yainkoak nai badau.
Guretxeko potzuan
Ugari da ura,
Gazi-Gaza ederra
Baña ezta ardura!
Alazne, Zuriñetxu,
Libe ta Nerea,
Aitatuaz banoa
Gure artaldea.
Gero Idurre dator,
Leire ta Ainoa,
Ezkontzen ikus nai nik
Ala Yaungoikoa!
|