Berpizkunde goizean
Abeletxe
Jesus il-osteko igande goizean,
Egun-senti aurreko ixiltasunean,
Illuntasun itzala lodien zanean,
Argi bizi bat dator burrunda-otsean.
Argiaren bizia! Argian zorrotza!
Berotu dan Jesus dan, il-obi otz-otza;
Argitu ta berotu, arlandua altza
Ta bapatean piztu Jesus'en Gorputza.
Bereala agertu Jaunaren burua,
Berezko ega baten, zerurantza dua;
An dauden soldaduak bildurrez ulua,
Poztu ta alaitu da, itun zan mundua.
Utsik dan il-obitik lurrun-matazia
Igoten da zerura, usañez betia;
Soldauak larri dagoz Ayen itxuria!
Makur dira lurrean, ez al zutitzia.
Buruzagia dator, zurbil arpegia,
Zer yazo dan nai daula, berak yakitia;
Zutitu da soldau bat, adorez betia,
Onela azaldurik, yazo dan guztia:
-Arratsalde illunabar, ondorenean gau;
bildur eta kezkeak itxarrik euki nau;
goizaldean arriak, dardarak amalau,
ondoren yazo dana, ezin leike asmau;
ezin leike asmau, ezin leike asmau!
argi bizi batek kristo berpiztu dau.
argi-zurrunbilloak ame zurruztatuz,
kristo berez igon da, errez-errez goruntz,
kedats-usaintsuan maitaro lagunduz.
Jesus gorantza yoan da. Gora ba Jesus!