|
Imatz'tar E. olerkari erneari, ordaņez
Zera
Txistularia tente
kontseju aurrean,
kiribillo alaiak
zabalduz aizean.
Txistularia tente...
ta aurrean iņor ez;
bi umetxo bakarrik
antxe bazter baten.
Mutil gerribigunak
moltzoan... ain eder!
Buru zuzen gaņean
txapel zarra oker.
abarketa txuriak
oņetan... Baņa, zer?
gelditu ere gabe
ba duaz...¨nora ote?
Begi gozodun neska,
marrubi elduak.
arin etor zaitezte!
zuen ,jai ttunttuna!
...Ta auek ere aurrera
plazatik barruna.
Txistu zar biguna!..
Illunak, ego beltzak
edatuz danean,
dana eskutatu du...
Gauza zabaltzean
illobi bat aundia
dakust illunpean;
ta il-abesti ariak
askatuz aizean,
Txistularia tente
illobi gaņean.
|
