Mikoleta

 1

 Mikoleta, Mikoleta,

 erretiradan berbeta;

 Udaletxeak heure ohorez

 iminiko dik pareta.

 2

 Mallabiako «Arteta»n,

 aintzinatxo, ai, umetan!

 «Asturias»ek ematen zidan

 pastelik errealetan.

 3

 Migel Angel-en «Pieta»

 zara, Irantzu Mugeta,

 ez egin negar, musartxo horrek,

 maite-maite zaitut eta.

 4

 Zuretzat nire arreta

 Arlaban goiko Dorleta,

 Amagoiatxo antsiz denetik

 loratu zait ameseta.

 5

 Federiko-ren Roseta,

 ditiak limoiz erreta,

 gizon ergelen biraotzarrak

 utzi zituen aseta.

 6

 Zezen zuriaren seta

 lizar xamurra, taketa;

 Pasifae-ri eskaini dio

 trumoe-ira laketa.

 7

 Umel-umel Ondarreta

 labur-labur daukat beta;

 zein hur dantzudan hiru jostunen

 tekle gaineko kosketa.

 8

 Mikoleta, Mikoleta,

 txispaz jantzita, berbeta;

 Udaletxean, banderak zabal,

 prest askatzeko txingeta.

Zelaieta, Anjel