Lekeitioko Sanantolinetakoak
Zelaieta, Anjel
1
Artezki eta zuzenki
bide egiten bagenki:
hamasei urtez jaso zaitugu
plaza gainera, zu, Xenki.
2
Eder Nafarroan Burgi,
oroituz, gaitezen murgil:
hamasei urtez jaso zaitugu
plaza gainera, zu, Murgi.
3
Eder altuan Urkiola,
haitz-karea dariola:
zein zorigaiztok gauzka kaiolan
zu, Lurdestxo Gabiola?
4
Mendi-katean hegira,
Lurdestxo dago begira:
itxartu gara geu ere, neska,
begira zure begira.
5
Makina bat arrastegiz,
gogoratuz Gallastegiz:
gorputz-azala umeldu zaigu
uhin altu garratzegiz.
6
Hain luzea desertua,
bidaztia lehertua:
ez zaitez etzan, ene maitea,
zain daukagu Lezertua.