Ibil gaitezen batasunean
Zelaibarri
Honela hobe jabe daitezen
harrika ari direnak,
hona hemen zortzi bertso hauek,
mutiko oker batenak,
atsegin ez baititu ARGIAn
zenbaitek diotezenak
-eta bihotz onez barka beza
konforme ez dagoenak-.
So ez bagaude gure euskara
laster desager daiteke,
etsaiak nonnahi bere aurka
gogor baititu jota ke.
Guztion batasunak bakarrik
oraindik salba lezake,
baina euskaltzaleok gabiltza
batere elkar hartzeke.
Euskal kulturaren, apurketan
ez naiz ni inoiz sartuko,
hobeto genuke lehengoa
lehen balitz burutuko:
euskara geure herri osoan
gaur bagenu hedatuko,
denok dugun amets urrun hor
bihar genuke lortuko.
Guztiek batua onartzeko
egon Binen, oso larri,
baina orduan denok -genbiltzan-
batasunaren egarri.
Orain ordea nahi gaituzte
hausturaren alde jarri.
Horren truke guri eskaintzeko
zerbait digute ekarri?
Hemen politika larri dabil,
gauza benetan serioa,
politikoek konpon dezaten,
ta ez linguistentzakoa;
hauen kezka izan bedi, berez,
erabat bestelakoa,
egun hizkuntza baitugu hemen
askoz premiagozkoa.
Kultura ta politika doaz
sarri elkarren ondoan,
baina ez nago batere biak
bakarra direlakoan.
Ondo bereiz itzazue, otoi,
hizkuntzaren arazoan,
euskara sekula gal ez dadin
istilu politikoan.
Amatiño ta Gobernukoak;
UZEIko adiskideak;
zuek, Mitxelena, Sarasola,
euskaldun irakasleak;
edozein partidutakoak ta
ARGIAko langileak;
edonongo Euskal Herritarrak
eta «Euzkerazaleak»:
HERRI HAU BERREUSKALDUNDU ARTE
BEHAR DUGU BATASUNA,
helduko bide baitzaigu gero
banakuntzaren eguna.
Kezka honi behar diozue
ondo eman erantzuna,
hauxe delako euskaltzaleok
eskatzen dizueguna.