Gure misiolaria
Sabiaga
Begira gure mixiolaria,
Gurutze Deuna eskuan,
Nola, jaunari galdu zaizkion,
Ardien billa dijoan.
Baso illunak, pizti gaiztoak
Iñoiz ez dute bildurtzen;
Izotz gogorrak, bero aundiak
Beñere ez dute izutzen.
Bere guraso laztan-kutunak
T'erri maitea utzirik,
Azken gabeko lurraldeetan
Arkitzen dala bakarrik.
Biotza dauka, goimaitasunez
Pil-pil-pil bizi-bizian,
jainkozko leiak dirdir du egiten
Bere arpegi argian.
Aldapak gora, mendiak aruntz,
Baso beltz-beltzak barrena
Bizkor dijoa, beti egiñaz
Gogo berozko arrena.
Lagun aldendu-eziñak ditu
Gosea ta egarria;
Gauean berriz atsedeteko
Oetzat du lur gorria.
Bero aundiak, izotzaldiak,
Egarri eta goseak,
Guztia oso pozik darama,
Arkitzearren ardiak.
Lagun zaiegun, kristau maiteak,
jainkozko gizon aieri,
Beroien onez zerbait emana,,
Otoitz egiñaz jaunari.