Arantza Arrutiri

Zelaia, Josu

 1

 Mila bederatzirehun eta

 larogeita batian

 otsailaren hamabia zen

 ostegun goiz ilunian

 orain arte gustora asko

 bizi zen gure artian

 bere bizia galdua zuen

 Urolako ibaian

 2

 Euskal Herria berez baita

 umedotsu eta hotza

 egun hartako goiz tristeak

 egin ziguen izotza

 egun horretan beharko zuen

 eta heldu zen ekaitza

 uste gabean hurbil zitzaion

 Arantxari heriotza

 3

 Ez dakik zertarako dauden

 laguntzailek mundu hontan

 laguntza ez eskeintzekotan

 beharren den orduetan

 hiru ordu eginak zituen

 gorputzak bada uretan

 hiru ordu nork pasa ditzake

 oraingo ur hotzetan

 4

 Nahiz ta Arantxa Arruti egon

 lur azpian eta hilik

 nahi nuke gaur hitzegitea nik

 hemen bere memoritik

 zure borroka ez baitzen izan

 inoiz ere alperrik

 ez baitzenuen ontzakot hartzen

 mundun herri zapaldurik

 5

 Iraultzaile munduan dugu

 militante bat gutxigo

 baina zure eguneko lana

 kalean zutikan dago

 kapitalaren enbiruantzeko

 erantzuna da ordago

 zure borrokari jarraituko

 gatzaizkiolakon nago

 6

 Zure ikuspegia zer zen esan

 nahi gaur bertsoetan

 amets egiten baitzenuen

 egunsenti garbietan

 borroka aktiboki egiaz

 emakume taldeetan

 zer esanik ez ekologian

 eta antinuklearretan

 7

 Emakumeen eguna denez

 goaz omena egitea

 Arantxak gorrotatzen zituen

 lokarri eta katea

 emakumeen liberazioa

 nahi zuen iristea

 hartara emakumeok geu

 bakoitza izango gea

 8

 Lagun Arantxa gendun umila

 hitzegiten zuen bare

 haren baratza jorratzezkero

 ikasi beharren gare

 emakumea nahi zuen jarri

 gizonezkoaren pare

 hortaz izango omen dirade

 beren buruaren jabe

 9

 Farranda garaian hura zen

 umoretsu ta berritsu

 baina Azpeitiko herrian gendun

 maisu edo jakintsu

 zuen guztia eskeinitzeko

 beti zegoen mamitsu

 inoiz ez nuen triste ikusten

 baizikan oso indartsu

 10

 Arantxa gendun Azpeiti herrin

 bizi izandutakua

 nunbait ez zen zure bizia

 gehiegi luzatzekua

 nahiz ez izandu lagun Arruti

 iritzi berdinekua

 aitortzen dizut zinela hemen

 lan asko egindakua

 11

 Gure artetik alde zenigun

 hogeita hamahiru urtekin

 egun asko ez dugu pasatu

 mundu hontan elkarrekin

 baina iduri bat izango dugu

 landutako baratzakin

 baldin jorratzen asmatzen bada

 euskaldunen haitzurrekin

 12

 Diferentziak direlako gaur

 ez goaz bide bereti

 zure borroka gaindituz dabil

 mendi arkaitz ta barruti

 aldakor den egoera honetaz

 esna bagintez barruti

 hamabi bertsoz omentzen zaitut

 lagun Arantxa Arruti