Aita batek espetxetik
Zelaia, Andoni
Bertso batzutan buru lanean
asi behar dut aurrena.
Begiak ilun dauden garaian
Nola dagoen barrena.
Herriarengan siniste horrek
Berpizten dit ahalmena.
Aita batentzat bere semeak
Urruntzean ondorena
Azken agurra espetxe hontan
Eginan oroitzapena.
Euskadik berak nola dituen
famelia ta euskera
Gure herria defenditzeko
egin genduen aurrera.
Lotsagabeko bortxakeria
Jasan beharrean gera.
Ondorengoak jakin dezaten
zapalduen egoera.
Semeek amari egitean
aitatxo nun da galdera.
Aitan bidea izan leiteke
Ondorengoen gidari,
Etorkizunan mamia zer dan
Ta gogoeta ugari.
Urratsez urrats joan behar da
Bizitzaren aintzindari.
Askatasuna eldu liteke
Sufrimentuaren sari.
Bestela berriz hil harteraino
Euskadirentzat gudari.
Nire antzera hamaika aita
Euskadiko historian.
Beren urratsak eman dituzte
Egiaren atarian.
Jauntxo hoientzat ez gera ezer
Hartzen gaitu uskerian.
Gure semeak negarrez daude
Ila lertzeko zorian.
Gauan erdian aitatxo nun da
Esnatzen diran garaian.
Egun alaiak eta tristeak
Beti gabiltz alkarrekin,
Sufrimentuak, sendimentuak
Indartzen ditu berekin.
Presondegiko bizi ezina
Inork nahi badu jakin.
Aitan begiak betetzen dira
Benetako malkoekin.
Amaren bularrean euskera
Hartu duten semeekin.
Bertso honekin hamaitutzen dut
«Argia»rentzat gutuna.
Guretzat ere argi izpi bat
Anaia edo laguna.
Itxaropenik ez dugu galdu
Etorriko da eguna.
Gudukatutzen bagaitu ere
Izango da, erantzuna.
Ondorengoak ikus dezaten
Guk ikusi ez deguna.