Gabon-enbor-txinpart...
Zaraya
¨Nora dijoaz, nora egaka,
nere ametsak bana-banaka!..
Biots-susnoa
argi-argiro,
bizi-biziro
eusko-asmoa,
Amets dagit gaur mendi goietan,
Euskal-Erriko bazter maitetan...
Negutearen egadapean
datza erria, negu-mendean,
Mendi-gandorrak
arras gaindurik,
azpiraturik
malda konkorrak,
edatu ziran egun ankerrak,
illundurikan eusko bazterrak.
Geldi-geldiro jeizten ari da,
geldi geldiro zerutik bera,
elur garbia,
ixil-ixilik
obiraturik
ibar mendia...
Txuriz jantzirik mendi-gangarrak,
elurpean be muru tantarrak.
Negu aztuna mendien jabe...
Larre goitarrak ardirik gabe...
Elur-azpian
larti goikoak,
gari-soroak
izarapian.
Gaņalde oro lorez jantzirik...
Elurra daror geldi-geldirik...
Aldi-pegarran darorz naroak
Lotarillaren azken malkoak...
¨Nora dijoaz gora beraka
nere ametsak bana-banaka?
Biotz-susmoa
argi-argiro,
bizi-bisiro
eusko-asmoa,
amets dagit gaur mendi goietan,
Euskal Erriko oi zar ta maitetan
Etxe atean illotzik oro.
Etxe-barruan izkanbil zoro...
Gabon-gabonak
emen ditugu!
Dantza ta oiu,
aiton-amonak!!
Gabon-enborrak txinpart dagite!
Gabon txinpartak mozkor damate!
Sukalde-txoko maite beroan
sendiak parrez, apal-ondoan.
Olen-eguna,
Olentzaroa!!
Aurrea doa
Gabon-zoruna!!...
Negutik-negu Gabon eztiak
bildu oi ditu seme guztiak...
Uruti zakust, urrun, erria,
mendi-azpian txukun jarria...
Asti-astiro
daror elurra,
elur zizurra
geldi-geldiro...
Elur azpian erriko garrak.
Elur-artean zelai ta txarrak...
¨Nora dijoaz jira-biraka
nere ametsak bana-banaka!...
Biotz-susnoa
argi-argiro,
bizi-biziro
eusko-asmoa,
amets dagit gaur mendi goietan,
Euskal-Erriko Gabon jaietan...
Mendarte-alor-egal gaņean
ernai dago Olen txondor-aldean
Ikatz-txondorra
sutzar diraki,
ta txinpartari
egur-susparra.
Mendian-bera jeizten da Olen,
Gabon-erdia eldu baņo len...
Ixillik datza sukaldetxoa,
oatu bai-da sendi osoa...
Gabon-enborrak
Ketan oraindik,
t'auts biurturik
sugar mozkorrak...
Badator Olen, Olen txatxoa!!
Kezulo-goran sartzera doa!!
Subaster sakon bero aldean
uxkur dago Olen keatz-artean.
Ote-txaparrak
dagertzi sutan,
txinparturikan
sutar pingarrak.
Gabon-gabean Olen eroa
baserritako maiztar gajoa.
¨Nora dijoaz, nora egaka,
nere ametsak bana-banaka!...
Biotz-susnoa
argi-argiro,
bizi-bikiro
eusko-asmoa,
Amets egin det mendi goietan,
Euskal Erriko Gabon jaietan.
Elur garbia zerutik bera
jeizten ari da erri gaņera...