Agur, seme!
Ataņo
1
Zorioneko zeraden arte
ezta paltako lagunik,
eztira, erle mandoen gixa,
losintxar eta legunik.
Ekaitz gaiztoak asten badira,
eta zerua illunik,
orduan seme, zure ondora,
ezta etorko kutunik,
ezta beņere iraunkor izan
diruaren maitasunik.
2
Zure lagunak ikusi nairik,
joan nintzan etxe txurira,
Eztakit nundik, baņa aberats
moduan bizi baitira.
Gogo txarretik bederen artu
ninduten beren erdira;
zure goraintzik eman orduko,
neri begira begira,
-eske al zatoz?- esan zidaten
lotsik gabe arpegira.
3
-Enator eske, erantzun nien,
eztet nai besteren gauzik,
neretzat eskas dedanetikan
bialtzen dietet pozik.
Enator onuntz beste ezertara,
nere semean goraintzik
beraren naia ala dalako
zuei eskeintzera baizik,
lagun maite bat orla uzteko
ez al dezute biotzik?
4
Ain errez aztu dezute beraz
amar urteko jarduna,
aukera zeukan garai aietan
orduan zuen kutuna.
Maite dun dana galduz erori
danean, ezta laguna,
zer kendurik eztezutenean
bakar utzita, urruna...
eskale batzun martxa da ori;
ori ezta maitasuna!
5
Minberea da gure Jainkoak
bial dizun erasua,
etzendun gelditzerikan uste
ain bakar, seme gaxua!
Etzaite mindu joan zaizulako
lengo lagun saill osua,
Jesus'i ori egin zioten,
orla da mundu lausua,
agor baizaie ura zerion
beren iturri gozua.
6
Bijoaz seme, bijoaz urrun,
guretzat obe joatia,
probatu dezu lagun txar batek
egin lezaken kaltia.
Negu ondoren baletozkigu
berriro, seme maitia,
zabal dauzkate gure biotz ta
etxe ontako atia,
Pozik emango geniekegu
barkazioan pakia.
7
Argituko du; jaso biotza.
gaitzak eztu luzatuko,
barka itzazu gaizki egiņak
ta etzaizu damutuko.
Lagun urkoei ondo egiņa
Jainkoak eztu aztuko;
ematen degun baso ura-re
alperrik ezta galduko,
gure lagunak bezela iņoiz
ezkaitu arek salduko.
8
Baņan alare danak eztira
oraindik kutsutu txarrez,
ba-dira, seme, aztu gabeak
lengo beren lagun zarrez.
Bakardadera datozkit noiznai
errukiz, erdi negarrez,
-Ar zazu, Joxe, semientzako-
maitasunaren indarrez,
beretzat eskas dun pixarretik
zerbait eskeņi bearrez.
9
Eme-zulotik atera gabe,
beti lanaren mendeko,
bakardadean nunbait beldurrez
daude ate au jotzeko.
Ainbeste giņan! orain ain bakar
mundu ontan bizitzeko,
gure mai xarran orduan zazpi
aulki utsik ikusteko,
eta jakinki batzuk geiago
eztiradela beteko.
10
Maitasun gendun dana galduta
biotz gaxoak naigabe,
zu lotuta, ni erdi lotuan,
etxea bera giltzape.
Arzulo ortatik bear dezuna
eskatu kupirik gabe,
ai, aita xar au gauza dan arte,
goseak ilko bada-re,
seme maitea, egingo zaitut
bear dezunaren jabe.
11
Ezkiņan sortu betiko nunbait;
deituko gaitu azkenak,
emengo goraberetan, seme,
izan gaitezen zuzenak.
Jaunak bereak gaitun ezkero
ba-dakizki gure penak;
banan banaka, bere aurrera,
biltzen geranean denak,
zorioneko orduan orain
negar egiten dutenak:
12
Agur biotzez, seme maitea;
galdu nun sendi osua,
bederatzitik zazpiren palta,
au bai dala erasua!
Kabi utsari begira dago
tristerik aita gaxua,
amaika aldiz egin bearra
eman nai eztan pausua,
miru beltzaren atzaparretan
eztabil ondo usua.