Xoriak bezala
Zamora, Auxtin (Auxtin)
1
Bipien otruntzak:
lurreko marikak,
hezurrekin xutik, larru'ta hileak,
lau haizeentzat zer pasaia lekuak!
2
Bihotzen barneak,
hutsez mugatuak,
elgar atxematen ez duten bidetan
bezala, bakarka, doatzi landetan.
3
Keeten artean,
marroitasunean,
mirailen argiez soa zauritua,
ez dakite zer den pasioen sua.
4
Xirulan, mirulan,
ezpainen puntetan,
xoriak bezala, hitzak'ttiu, ttiu'etan,
handik ez hemendik: zoazt'ezin erran.
5
Diruaren bilan,
muinak daldaretan,
-ez dute sentitzen, aintzin aintzinean
uztaren urrea, ogi bihietan.
6
Uste gabetarik,
xangoen axpitik,
sortuko zaiote sasi bat ixilik,
joanen baitira Ťad patresť itorik.
7
Hauts ate ta gate!
xu! aire zaitezte!
zango makiletarik ateraturik
zeruko arraioez berriz pizturik,
hauts ate ta gate!
xu! aira zaitezte!
|