Ur ferdez
Zamora, Auxtin (Auxtin)
1
Neure haurtasuna
Ezin desesteka:
Ez dut deus maitatzen ahal mundu huntan,
Neure haur denbora baizik haurņoetan.
2
Ur ferdea belar freskoen artean
Ttinttaka ttinttaka sortzen zen goizean
Nimiņo zintudan
Lur huntarat eman,
3
Geroztik ur ferdez ditutzu begiak,
Goizeko iduzkiz ezpainak ximurrak,
Ez dakit nun naizen,
Orenak zer diren.
4
Atzo itaizuren ur edale nintzen,
Plazetan nituen eskuak zabaltzen,
Denetaz trufatzen,
Deusez axolatzen.
5
Orai aldatu ditut alabideak,
Bai bertzeri utzi karriken ezkinak,
Amoratu nauzu
Ta bertzelakotu.
6
Kalapita beltzak, zeruko urdinez
Nauzkitzu beztitzen, hedoien kolorez,
Laidoak gordetzen
Ta ahantzarazten.
7
Kristailen argiak ur inozentzian,
Han dirdir-arazten nauzkitzu lezetan,
Ez dakit nor naizen,
Egintzak zer diren.
8
Atxemanen nauzu, bihar atzartzean,
Kasik lo kuluxkan zure bazterrean.
Ez neri begira,
Zoaz aintzina.
9
Sortaraz dezazun, nitaz oroitzean,
Nola ur ferdea belarren artean,
Haurņo bat freskoa
Zu bezalakoa.