Lurra Jesu Kristorentzat!...
Zamarripa Uraga, Asua
Irudimen laztaña, goiazen batera,
Oroimen eztitsuak pozez ikhustera,
Ichas-basterrera!...
Ara an dago Colombo, batetik bestera
Laguntasunen billa ibill zan berbera,
Indieta-aldera
Urten nairik beingoan lurra atzemaitzera.
Eztautso Portugalek, ez Ama Italiak
Laguntasunik emon, ta Isabel Andiak,
Andra leñargiak,
Orra biraldu dotsoz ira ontzi barriak:
Santa Maria, Niña ta Pinta; Españak
Fedeaz jantziak
Nai dabelako fedez jantzi lur guztiak.
Egoak zabaldurik usoen antzean,
Ontziok oraiñ doiaz alkarren atzean,
Ta eurotan batean
Alonso Sanchez doia poztasun betean.
Lurrak atzemaitu ta kristautzeko-ustean.
Bidari-artean
Bidari nagusi da Alonso bidean.
Zoiaz zorionagaz, Bidari euskalduna,
Eukizu adiskidetzat betiro Osasuna,
Arratsa ta Eguna,
Ta Bego antzien alde Ichaso biguna,
Lurbiran izan deiten laster ezaguna
Arako lurruna
Colombogaz aratu zuk gura dozuna!
Ta zuk, Amabostgarren gizaldi maitea,
Andi andia diozu eukiko entzutea
Ta omenez betea
Zure larogetaama'bigarren urtea
Ta onen Agorrillaren iruan astea
Colombon astea
Agorrillak izan dau naiko suertea.
Larogei ta amar gizon, mariñelak danak,
Dira gure Colombok oiñ daroiazanak.
Colombon esanak
Laguntzat daukez oiñdik gizon orren lanak.
Zoiaze pozik olan, mariñel laztanak,
Bada or doiazanak
Guzurtu egingo dabez askoren ezpanak!
Bakit esan dabela askok, ikusirik
Colombo dabillela lurra topau nairik,
Dagola burrurik,
«Burura orrek daukala beintzat zuloturik.»
¡Ez izan baiña zurok hortan ardurarik!
Colombok ziurrik
Aratuko dan lurra, zurok lagundurik.
....................................
Canaries derichoen leihorretaraiño
Eldu zaree, mutillak, ederto oraitiño.
Bide asko oiñdiño
Dagoz Colombok topau nai dun lurragiño.
Baiña danok alkari lagundu ezkitiño,
Kristobalek diño,
Elduko gara ziur lur ortaragiño.
Ai! baiña zoriona eztogu betiko!
Gizonak ainbat egun nekez beteriko
Dituz ikusiko!...
Asi dira nekeak ai! Colombontzako.
Badauko oiñ kristobalek samiñik ai! naiko.
Ishilarazteko
Mariñel aserreak, badau lanik asko.
Canaries-etik ara topau barik lurrik,
Ogei ta amabost egun nekez igarorik,
Dabiltz bildurturik
Mariñel gizajoak... ta eztabe biderik
Aurreruntz egin gura, nola jakin batik.
Biurtu gurarik
Geienak an dabiltz oiñ gorrotoz suturik...
Pozez beiñ dabe ikusi urrun urrunean
Zerbait fedez jantsia belarren antzean,
Ta onechen pozean
Urbiltzen dira lurra dalako-ustean.
Baiña gauza ferdeak uraren ganean,
Colombon kaltean,
Belarki batzuk ziran...! lurrik ez azpian!...
Utz on mariñelok arturik, alkarri
Dirautse: «Egin dezagun arraiñen janari
«Colom zantar ori!
«Iaurtin ia! ichasora, ainbat egun larri
«Emon dauskulako. Bai! Ta esan Espaiñari:
«Zeruko izarrari
«Begira zagolarik, beta dala erori.»
Zeinbat neke iatortsuz ai! biotz-erdira,
Colombo! mariñelok baketuko aldira!
...................................
Pozik oiñ eidira...
Zer da ba? Chori batzuk oiñ agertu dira,
Ta ikusirik Colombok chorien mugiru
Deitzen dau: «Begira...!
«Goiazeu chori orrek doiazen tokira!
«Eztagoz urrun urrun leiorrak eztari
«Jarraitu bildur batik chori kutunari,
«Portugaltarrari
«Agertu iakiezan naikocho lur hain
«Pozarren jarraiturik chori bizkorrari.»
Poztazuna ugari
Itz onek emon dause mariñel danari.
Urriaren amaikan, gabaro illunean,
(Amarrak joak ziran) Colombon ustean,
Nonbait an urrean
Argi bat iako agertu. Andik lasterrean
Ostendurik argi au, barriro agertzean,
Gaztiak batean
Lurra! deituten dabe Lurra dugu aurrean!
Bigaramun goizean danak dabe gura
Joan gabaz argia egon zan lekura...
Ta etzan ez guzurra
Colombok uste ebana. Anche dago lurra!
Ara or araiñ, mariñel argalak, leiorra!
Colombo bizkorra.
Zuretzat izango da izen illezkorra!
Mariñel danak dira jarri belauniko:
Batzuk Kristobaleri, iraiñdu ebelako,
Parka-eskatuteko;
Besteak, Colombogaz batean, Jaungoiko
Onari eskerrak bertan obeto emoteko...
Poztazunik asko
Leiorra erakusteaz emon eutselako.
Jaskirik ederrenaz Colombo jantzirik.
Eskuan ezpatea zutik ipiñirik,
Jatziten da ontzitik,
Baita mariñel danak Colombon atzetik.
Gero leior berean danak auzpazturik,
Biotz biotzetik
Otoitz egiten dentse Jaunari bertatik.
Otoiz egen-ostean, bertan zar chiker bi
Kurutz baten antzean josirik alkarri,
Mendiska baten
Banderatzat Colonbok egin dautso ezari,
Esaten deutsiela mariñel danari:
«Bear iako jarri
«Izentzat San Salbador lur kutun oneri.
«Lur au gaurtik aurrera Jesu Kristorena
«Izan beite! ta Kriston aur fedetsuena
«Fernando onarena!
Ta Isabel Españako buruzagiena!»
«Zinizmenarena
Izan beite, diñot nik, Colombon omena!
......................................
«Bahmas»-ko urartetara zinizmenaren garrak,
Alonso ta Kristobal, zaitueze ekarri.
Izan beitez zurokaz betiro españatarrak
Zuron zinizmenaren indarren kantari!...