inprimatu
Haur jaioberria zabortegira
Izenburua:
Haur jaioberria zabortegira
Sinadura:
Zaldubi, [Gesalaga, Jose Antonio ?]
Urkizaren iruzkina:
Egilea(k):
Gesalaga, Jose Antonio

Argitalpena:
Zeruko Argia.
Urtea:
1979
Argitalpenaren urtea:
Alea:
834.zk.
Orrialdea:
38-39

 

 

 

 

faksimilea ikusteko


faksimilea ikusteko


Haur jaio berria zabortegira

 

Zaldubi

 

 Zarautz aldean bada berri bat

 denontzat hunkigarria,

 apirilaren ogeitalaua

 egun gogoragarria,

 nahiz eta askok ahaztuagatik

 denontzat negargarria,

 amaren batek ez du ahaztuko

 egun hortako larria.

 

 Mundu honetan bihotz gabeko,

 pertsonak ere badira,

 lagun urkoa baztertzen dute

 bere burua begira.

 Ama batek haur jaio berria

 bota du zabortegira,

 horrelakorik ez lirateke

 erresponsable balira.

 

 Zabortegian arkitu dute

 poltsa batean bilduta,

 jaio berria erruki gabe

 bazterturik amilduta;

 haurraren amak merezi ditu...

 beraren erruz hil duta,

 holako gauzak utzi ohi dute

 gizartea umilduta.

 

 Erru guztia ez dauka amak

 bakar-bakarrik erdia,

 ez dugu ahazten inolaz ere

 aitak daukan alderdia,

 ama ta haurra baztertutzeko

 hartu baizuen idia

 eta ondoren gertatu ohi da

 horrelako pikardia.

 

 Gizonezkoak suertean dira

 ume egite kontuan,

 egitekoak eginda gero

 ahaztu zer egin dituan,

 bera libre ta bere laguna

 zeharo izorratuan,

 gainetik galde ea zergatik

 jazkiak kendu zituan.

 

 Maitasunaren txorabioak

 nahasten gaitu askotan,

 ta ez dakigu nola jokatu

 sesuaren kontuotan,

 hainbeste urte egon ohi gara

 «tabu da» esanaz lotan,

 eta ondoren dena batera

 sarri hutseginaz hontan.

 

 Arazo hontaz esan digute

 dela haurrak egiteko,

 bainan gaur egun badago lanak

 hamar-hamabi hazteko,

 eta ezin da inori esan

 ari gabe egoteko,

 horregatikan pastillak edo

 zerbait behar da jateko.

 

 Jolas batean biak jolastu

 ta emeak beti galdu,

 emakumeei tripa handitu

 ta lanak maiz ugaldu,

 eskubideak berdintze arren

 zerbaiten beharra badu,

 bainan nik ez dut ongi ikusten

 haurra eginda bialdu.

 

 Emakumeak pastillak eta

 abortoa behar dute;

 egunen baten lortuko al dute

 behar haina libertate,

 gizonezkoak lortuko zuen

 gelditu behar balute...

 bainan legeak batzuk agindu

 ta besteek behar bete.

 

 Egun bateko jolasagatik

 bizi guztia hondatu,

 haurra soinean, aitak ihesi,

 ez jakin nola jokatu,

 emakumezko zenbaiti hori

 ez ote zaie gertatu?

 Horregatikan ez galerazi

 nahi duenak abortatu.

 

 Zenbait pertsona era txarrean

 abortoz dira mintzatzen,

 moral aldetik saiatzen dira

 gauza hori beheratzen,

 galerazita utzi ohi dute

 okerragoak gertatzen,

 librea balitz ez zuen lanik

 zabortegira botatzen.

 

 Su inguruan ibiltzen dena

 erretzen da azkenean,

 sesu jolasan ibiltzen bada

 eroriko da berean,

 horigatikan hobe da hartu

 ardura behar denean,

 eta umeak ekarri beti

 ekarri nahi direnean.

 


inprimatu