inprimatu
Erretzaileei
Izenburua:
Erretzaileei
Sinadura:
Zaldubi, [Gesalaga, Jose Antonio ?]
Urkizaren iruzkina:
Egilea(k):
Gesalaga, Jose Antonio

Argitalpena:
Zeruko Argia.
Urtea:
1983
Argitalpenaren urtea:
Alea:
971.zk.
Orrialdea:
39

 

 

 

 

faksimilea ikusteko


Erretzaileei

 

Zaldubi

 

 Bertso batzuek erretzaileei

 hartu dezaten ardura,

 ikusirikan arazo honek

 hartu duen hedadura,

 zigarro bat piztuta,

 behatzetan hartuta,

 markes batzuen modura,

 baina norbaitzuk aberastuaz

 zigarro hoien kontura.

 

 Goizean goiztik esna orduko

 zigarroa eta guzi,

 oraindik ere diru dutela

 nahi bait dute hoiek luzi,

 nahizta egon lanean,

 lasai nahiz ezinean,

 erretzeari fin eutsi,

 egun batean ikasi eta

 gero ezin dute utz.

 

 Zigarro hoiek nere ustetan

 euki behar nekea,

 inoiz edo behin gabe gelditu

 eta laister da eskea,

 hauxe da biziua,

 berakin aziua,

 sua dagonean kea,

 kutsadurarik ez dugu behar

 ta eman zazu pakea.

 

 Tabakoaren eraginez maiz

 erretzeko ahalegina,

 mendi puntako haizean ordez

 barruratu ke urdina,

 hori da osasuna,

 gauz horri maitasuna,

 nahiz txarrerako egina,

 titien gisa beti tiraka

 amaorde bat zikina.

 

 Hementxe dugu ia guztiek

 erabiltzen duten droga,

 gauz honen berri zihur edonun

 erraz liteke aproba,

 jendetzaren artean,

 bileraren tartean,

 beti norbait egongo da,

 kedun tximini baten antzera

 hau zoritxarreko moda.

 

 Aukera bada: Celtas, Ducados,

 Whiston eta Fortuna,

 tabako beltza ala rubio

 ta nahi bada filtroduna,

 pentsa gabe geroa,

 pizten da metxeroa,

 zurrupatuaz al duna,

 ba ote daki horren trukean

 utziko dula fortuna.

 

 Ezpain ertzean txupete hori

 ai zer nolako plazerra,

 baina bizio guztiek dute

 ondorenean eskerra,

 gau guztia estulka,

 karraziz ta ohiuka,

 etor daiteke kantzerra,

 barru guztia zikindu eta

 ezin konpondu okerra.

 

 Erretzaileoi gaurko honetan

 egin dizuet bisita,

 dena zikintzen era horretan

 gaizki zaudete hezita,

 erretzeko joera,

 noiz ote bukaera?

 egun batetan hasita,

 mesedez denok alda zaitezte

 umekeriak utzita.

 


inprimatu