Gure anaiak etxera
Zaldibi
Une honetan Euskal Herriak
beste itzal bat daduka
indar zentralak badu ahalmena
ezin genezake uka,
denok dakigu zenbat urtetan
ari zaigun zapalduka,
egoera hau bukatutzea
nahigatik ezin buka.
Parisek eta Madrilek berak
herri hau lotu nahi eta
bidaltzen dute «pake zale» hoik
zeharo harmaz beteta,
jolastu nahirik Euskal Herria
izanaz marioneta,
bainan ez dute hori lortuko
hemen baldin bada E.T.A.
Beren jokoa betetze arren
agiten digute kalte,
horren faltsoak nola baitiran
ez gara harritu bate,
giza legeak baztertu eta
berenak bakarrik bate,
Paris-Madrilek esku emanaz
gure aurka ekin dute.
Ifarraldeko gure anaiak
daude momentu larrian,
beren etxea ta lana ere
orain utzi beharrian
Euskal Herritik atzerriratu
ta jarri leku berrian,
euskaldun izan ta galerazi
bizitzen Euskal Herrian.
Oreja dela eratu dute
zapaltzailearen festa,
egin dutena espiikatzeko
inon arrazoirik ezta,
esango dugu zapaltzailea
dala beti terrorista,
demokrazia mingainez eta
jokaera hau fazista.
Atzerriratu eta han deuda
Frantziko ekialdian,
beste batzuek gartzelan greban
gosez hiltzeko zorian,
etxetik urrun beharturikan
eta penaz familian,
gure anaiak honela daude
Alpesen eta Sorian.
Jaiotzen denak bizi behar eta
bere lurra maitatzen du,
injustiziak ikusi eta
nahi ditu hoik zuzendu,
nahiz eta hola agintariak
oso aserre egondu;
gero kanpotik etorri eta
Euskal Herritik bialdu.
Herriagatik len egin eta
esker onikan ez dute,
batzuk gartzelan, besteak urrun
urteak pasa dituzte,
bainan hala ere etorriko da
askatasuna nik uste,
horretarako lenbailen denok
etxerei etor zaitezte.