Neure amaren eresia
Zaitegi, Yokin
Neure ezpanetatik gaur jausten yatazan
Itz-neurtu lerruok "Kresala" ta "Garo"
Usain pozkariyak dariyotsezala
Geure Amaganuntz joan doiaz.
Geure Erri ondoko itxaso zabalian
Arantzan diardun arrantzaliaren
Onduan egiņak-edo, "garo" biltzen
Diardun onduan, dirudie.
Ala ta guztiz be, lilien usaya
Baņo goxuauak ixango yatzukez,
Miren maite ori, oneitxeik dira-ta
Zeure euzko aintzik bikaņenak.
Zutzaz gomutau-ta gogoratzen yataz
Neure jayoteriko mendi maitiak;
Antxe Aloņa'ko mendi gurgarriyan
"Arantzatzu" mardul bar zutik dau.
Arantzatzu eder gelgari onetxek
Udabarriyari agur eta agur
Eiten eutson eta iņontz deunaren bidez
Bera bein batian lilitu zan.
Miren, zeiņ ederra geure Arantzatzu
Ganian agertu zintzazan, lilia
Lez, bertan erne-ta. Ordutik aurrera
Arantzatzu beti lilitsu dau.
Txoritxua legez egazka zoyazen
Neure gogo ori, Arantzatzu ortan
Ezarri-ta, matxo bigun, ma kutun bat
Emon-ta orri bat beinizat, arren!
Zeure abotxuan ekarri eidazu
Neure biotz au erestian bizkortu
Eta argitzeko. Ointxe argi onek
Beste argitxo bat gogora daust.
Ara zelan gogo au argitu dozun!
Geure Erri-aldeko ozkarbi urdixkan
Beste izar oro gainditzen dauz batek;
Geure Eriya mendi tartian dau.
Mendi txokuetan, itxaso ertzian
Umia altzuan lez dau geure Erriya;
Ortzi zabalian, ortzi ixilian
Izar gentzatzu bat diz-diz eiten.
Goibel-ilunbetan be ikaraka, diz-diz
Geure Erri ganian; beti bere argi
Ixil gentzatzuaz izpi zilartsuak
Magal-magalera ixuritzen.
Geure Erri ganian,izar ederrena,
Amesetan legez, begitxo kutunaz
Berari begira! Goiko Jaun on-onak
Bai, opatu euskun emaitza da.
Begoņa'ko Ama, Zeuk ta beste inok ez
Geure ortzi goyan argi eiten dozu;
Zeu geure izarrik ederrena zara
Ta zeure maitia geure Euzkadi.
Euzkotarrentzako maitiena zaran
Ama, oin lez, beti geure ozkarbian
Argi diz-diz eizu, ta Aloņa'ko mendiko
Arantzatzu a be lilitu-zu.
Ala geure Erriyak, txikiņa izan arren,
Iņori be ez dautso bildurrik eukiko;
Zeu, geure Ama, oi! bere galtzoriyan
Zaintzalia ixango zaralako.
