Ume-zurtza eskalia

Zabaleta, Juan

 1

 Amarren bat urte zan

 arren edadia,

 gañera errukarriya

 guraso gabia,

 lagun zayozu arren

 guziyon jabia,

 galdu ez dediñ ume

 zurtza eskalia.

 2

 Mutill koxkor txiki bat

 lengo egun batez,

 oñuts gorririk eta

 eske atez atez,

 inguratuta asi

 nitzanian galdez,

 zer zebillen: t'erantzun...

 ziran ark negarrez:

 3

 -Aita ta ama illak...

 ezdet seniderik...,

 bakarrik gelditu naiz

 munduan gazterik,

 erdi gosiak nabill

 dana algaldurik,

 zer egin nezake nik...

 eskatu besterik?

 4

 Ori entzun nuabanian

 nere biyotzak dar-dar.

 esanez maiteago

 bear degu azkar,

 gure anaitasuna

 gauza onek dakar,

 guazen-mazu emendik

 nere etxera azkar.

 5

 Eraman nuan eta

 epiñi mayian,

 pozikan eman niyon

 alnuen gayian,

 oriyek danak orla

 egin garayian,

 eskerrak eman dizkit

 zoratu nayian.

 6

 Begiratu alaitsu

 xamur xamur utsa,

 ala diyo: ¡ni!... nola

 sartu naiz onuntza?

 zeñen gozoa den ¡ai!...

 Jaunaren laguntza

 galtzen utziko ote nau

 onlako ume zurtza?

 7

 -Ez gaztetxo maitia,

 ez beldurrik izan...

 maiz otoitz egitera

 sar zaitez elizan,

 egon gabetandikan

 geroko pezkizan,

 Jesus'e mundu ontan

 orla ibilli-zan.

 8

 Oraiñ azkenik agur...

 maitasun betian,

 oitura onetan zintzo

 jarraitu gaitian,

 mundu onetan ilda

 bestera joatian,

 San Pedrok sar-gaitzala

 zeruko atian.