Kristaubaren deya

Zabaleta, Juan

 1

 Oraingo bertso berriyak

 Juan Manuel'ek jarriyak,

 kontu penagarriyak,

 eta kaltegarriyak

 nigana etorri diranak,

 ontan galdu gera danak.

 2

 Aurrera guazen pakian

 uniyo eder batian,

 kristaubaren artian

 ondo saya gaitian

 danak zar eta gaztiak,

 or konpon bitez bestiak.

 3

 Relijiyua-ren kontra

 gaurko jendian borroka,

 alparrik dabiltz joka

 ezta autsiko arroka

 zergatik illezkorra dan,

 orra zer dan garbi esan

 4

 Gure Kristoren dotriña

 danontzako da berdiña,

 kunplitzera alegiña

 sayatuko bagiña

 alkar obeto artuaz,

 gero egon gabe damuaz.

 5

 Damutasuna arturik

 eta fedian suturik,

 biyotza altxaturik

 eta arren eskaturik

 otoiz egiñez Jesus-i,

 ez gaitzan galtzera utzi.

 6

 Guziyok ondo alkartu

 eta alkarreri barkatu,

 danon Amai eskatu

 garaya data esnatu

 beti lotan egon gabe,

 bestela galdu gerade.

 7

 Lotuagatikan katez

 itsasoz eta legorrez,

 batan Kristoren fedez

 ez degu etsiko ez

 kendu nairik bere agintza

 alper-alparrik dabiltza.

 8

 Fede santuko bidian

 guazen gu pauso firmian,

 gero egunen batian

 zeruetako atian

 Ama Birjiña Maria-k

 sartu gaitzala guziak.