Gaur ekusten deguna

Zabaleta, Juan

 1

 Zeruko Aitak ematen badit

 kantak jartzeko graziya,

 esplikatzera sayatuko naiz

 emen aldetan guziya,

 aberatsak eta beartsuak

 teman daukaten auziya,

 beragatikan galdua dago

 iya mundean erdiya.

 2

 Nagusi jaunak langilleari

 tokatzen dana oparo,

 biyon artian izan dediyen

 pake santua luzaro,

 orrela bizi bear genuke

 atsegiñez ta gozoso,

 bañan badira au nai ez duten

 zenbait alper eta txoro.

 3

 Gauza onikan eztu ekarri

 beñere alperkeriyak,

 ortik datozte samintasunak

 txit garratz ta mixeriyak,

 alde batera utzi ditzagun

 munduko txorakeriyak,

 alkar obeto artuta ondo

 biziko gera guziyak.

 4

 Nagusi jaunak paltatzen badu

 langillia txit asarre,

 bañan obeto artu lezake

 bada bestiak alkarre,

 eduki gabe tamaña onetan

 geldirik oinbeste indarre,

 pensa dezagun lanikan egiñ

 gabe ez daguela ezerre.

 5

 Danan oneko izan dediyen

 nere ustetan ari naiz,

 bestela ondore onikan ezta

 ni deskuidatzen ezpanaiz,

 familiyako gosia berriz

 konsejazalle txarra maiz,

 danon artian saya gaitezen

 gaitz ori kentzera garaiz.

 6

 Denbora asko izantia onek

 etzait neri iduritzen,

 zeren pobria ezin litezken

 egon luzaro sufritzen,

 ume txikiyak baldin baditu

 gañera ayek azitzen,

 bestela ere aren jornalak.

 eztu askorik luzitzen.

 7

 Nagusiyetan ere badira

 ez ditut danak mendratzen.

 tokatzen zayon moduan zintzo

 dituztelako pagatzen,

 alkarrengana umildu eta

 jarri au konsideratzen,

 edo bestela egun gorriyak

 ezpagerade mudatzen.

 8

 Arrazoi bide aundiya dula

 diyo langille jendiak,

 zeren lenago jarri etziran

 gure oneko legiak,

 orain alkarren guda biziyan

 akabo gure pakiak;

 Zeruko Aita zuzen gaitzatzu

 bestela egindu guriak.