Sorginei buruz kantuak

Zabala, Xanti

 -1-

 Sorginei buruz kantuak

 jartzeko pentsamentuak

 artuak ditut nola dioten

 direla kontuak.

 Gaurre badira puntuak

 sorgin pizkorrez zainduak

 esango nuke oiek direla

 biurtu santuak.

 -2-

 Bateren batek esan du

 sorgiñak biurtu saindu,

 era ortako astakeria

 nola nabarmendu;

 baiña susmo txarrak kendu

 eta sorgiñei lagundu

 beste kukuak joko liguke

 egingo bagendu.

 -3-

 Ez nago burutik jota

 ortikan ondo nago ta,

 zuek bestela pentsatutzea

 ez dio inporta;

 nere gaurko bertso sorta

 propio dijoa orta

 ezken azkenen nork dun arrazoi

 aurpegira bota.

 -4-

 Naparroako errixka

 Urdax xarmantaren aizpa

 Zugarramurdi txoko polita

 sorgin lurra aiz ba,

 igan euskera duk gaizka

 gutxienean erdixka

 ire sorgiñen akelarreak

 on dituk aldizka.

 -5-

 Lenengoz or izandua

 ez nago ez samindua

 berriro era juango natzaio

 orra agindua;

 badaukagu zer ondua,

 zer ikusi, zer landua,

 ortxe euskeraz ikusia dut

 alkate bandua.

 -6-

 Ez nuen iñon ikusi

 eta ez dago itxusi,

 Alkate jaunen banduak plazan

 euskeraz ta guzi.

 Arriturik nindun utzi

 norma nork ote zun eutsi

 baiñan sorgiñen kontua zela

 zidan erakutsi.

 -7-

 Sorgin burugaz izketan

 jardunik nago kezketan,

 esaten zidan zer zabiltzate

 elkarren kasketan,

 zuek ibilli nasketan

 etsai gaiztoen ospetan

 eta sorgiñok guk jardun bear

 errian ezketan.

 -8-

 Zirikerion ziriaz

 eskatu diot sariez,

 nere ospean akelarre bat

 bere gudariaz,

 sorgiñen sorginkeriaz

 sorgin nazala zoriaz

 Sorgiñen sorgin sorgindutzea

 sorgin mirariez.

 -9-

 Esan zidan gerran gerrez

 eta alperren alperrez

 indarkeria indartua da

 indarren indarrez

 malizizko irri parrez

 utzi ninduen dardarrez,

 eta erratz bat anka artean

 anka egin errez.

 -10-

 Beraz gauza ola dago

 Jarraiko ote luzaro?

 sorgin erriak ikusten ditut

 aurreratuago,

 denbora nola igaro

 badakik sorgin pikaro

 Orain sorgiñak badirala

 ez al dago klaro?