Eranzuera

Zabala, Alfonso Maria

 Egiaz; fedea da

 Zeruko argia,

 Kristaua salbatzeko

 Ezin ta obia:

 Federik ez duanak,

 Aiskide neria,

 Ez du, ez, irichiko

 Zeruko gloria.

 Esperantza iduki

 Jesus maiteagan,

 Zeren Salbatzallea

 Urase bera dan:

 Gurutzean gugatik

 Amodioz ill zan,

 Gure zorra orduan

 Oso pagatu zan.

 Karidadea berriz

 Da alkar maitatzea,

 Iñori gorrotorik

 Ez idukitzea:

 Iru birtute oek

 Gugan izatea,

 Da Zeruko bidean

 Ongi ibiltzea.

 Gazteak zoriona

 Dauka birtutean,

 Fedean, Esperantzan

 Ta Karidadean:

 Ala zuk esan dezu

 Euskera zarrean,

 Neri eskeñitako

 Amets ederrean.