Zoaz Jel-Batzokira
Aurtxo bat badet txit zoruna
txikia baño zentzuduna
kistartasuna bizi-bizi
duena azkar ta ondo ikasi.
Biotz txikia bero, bero
dauka egiñik otoitz naro
Jesus aurrari arratsean
eta goizero esnatzean.
Guraso orokar guztiona
da zabaltzea azi ona
Jaungoikoaren agindu lez
bearrekea nai ta nai ez.
Alegiñean naiz aritzen
zentzua aurrari ugaritzen
eliz bidetik lendabizi
zerua dezan irabazi.
Beste biderik etzekian
baño gaur eusko batzokian
an ikusi det txit pozgarri
lenengo aldiz antzezlari.
Bide legun ta egokiak
dira eliz jel batzokiak
ta ikasi ditu bi bideak
Jesus aurraren senideak.
Emen dabil orañ zoratzen
ikasi duena goratzen
maiterik bere aberria
¡ur garbiaren iturria!
Zoaz umetxo elizara
zure gogoa betetzera
antxe dizute erakusten
Zeru bidea zuzen-zuzen.
Zoaz maite Jel batzokira
eusko jatorren biltokira
beste umeak badijoaz
zoaz zu ere ¡zoaz, zoaz!