Zembeit bertsu berri nahi tut khantatu
1
Zembeit bertsu berri, nahi tut khantatu
Suieta zaukulakotz herrian gerthatu
Maiatzian ditugu bozkatziak phasatu
Jaun berri batzu ere dira presentatu.
2
Zahar eta berri lichta bat eginik
Baionako hirian imprimarazirik
Larumbat aratsian zembeitek segurik
Ez dute egin ahal izan lo handirik.
3
Ezin diot izenda, nor dugun jaun hori.
Bere baitharik zena lothua sailari
Muthilak ere ditu pagatu ederki
Bere burua ez baitu salhatu nehori.
4
Abiatua zen deliberaturik
Herriko gazte batzu laguntzat harturik
Zaharretarik zembeit kamporat khendurik
Beharrez gora heldu, hola jokhaturik.
5
Jaun hori zauku beraz, ongi okupatu
Kontseilua nahitan azkarki berritu
Bainan gichagaichua ederki trompatu
Lichten heda sariak bere gain baititu.
6
Nahiko zuken araiz nagusi plantatu
Bederen aldi huntan ez da hortaratu
Hemen zaharrak nehork hastio ez baititu
Hortakotz lehengoak ditugu hautatu.
7
Usaiakoekin gaude gu trankil herrian
Laguntza baitukegu eskas dugunian
Frogak eman daizkute, maiatze hastian.
Gizon hoberik ez da Lekhorne herrian.
8
Gure gizona ez da kontseilurat heldu
Izana gatik ere abilki Jokhatu
Bere burua ez du beharrik agertu
Afruntua nork duen hola ez dakigu.
9
Ez dakiola gaitzi trufa hau nehori
Eta guziz gainetik lan horren eiliari
Emaiten baitut ere zembeit bertsu berri
On bainiz emaiteko, ni bertze hamabi.
10
Hamar garren bertsuan, dizut akabatzen
Jakinean naizela ozarki mintzatzen
Orhoit chakhur ihausiz ez denak oldartzen
Makhila ukhaldirik ez duela biltzen.