Zaldubi zenari
1
Koblarien errega zu zare, Zaldubi,
Eskualdunak zor tuzte ohoreak zuri
Etsaiak sinestea khendu nahiz guri
Haren alde zintuen Jainkoak igorri.
2
Jaun Mera zozo-pikart, frantchimant ergelik
Debruak eman dauku herrement ederrik
Errent uzki-pitcher, jaunchkila merkerik
Sakel'eta burua hutsak dauzkatenik.
3
Oi zoin ederki duzun Fedea finkatu
Eskualdunen artean kapitain zinen zu
Debruaren armada ihesi joan zauku
Zure kobla ederrek baitute izitu.
4
Munduan ez da sorthu menden mendetarik
Eskualdunen mintzaia hola zabilanik:
Histuz, khantuz, nigarrez, bezen orotarik
Izpirituz bethea zinen zu sortzetik.
5
Laphurdin Otchalde'ta, Chuberon Etchehun
Holako koblaririk ez ahal zen nihun
Bainan ororen nausi guk zu zinitugun
Zure bertsuak zuen balio berrehun.
6
Izpiritua chorrotch, bihotz alegera,
Karitatez gaindika, berthutean gora,
Ez dezakegu khondahari dugun zorra.
Kobiari guzietan bego hura bera.
7
Zure kobla ederrek, egia, Zaldubi
Hemen ere daukute plazer eiten guri.
Kalifornian eta Oklahoman gaindi
Ohore diotegu egiten heieri.
8
Nevadan, Koloradon, Eskualdun artzainak
Aphez et'elizarik gabetan daudenak
Elgarretarat ezin sekula bil denak
Han dauzka beretuak lanjer handienak.
9
Neguan elhur eta udan ihur-zuri
Itsaso haize fier, chimist'eta harri
Usu han da bakharrik Eskualduna jarri,
Ustez eta fortuna beha zagon hari.
10
Aste bat pasa eta bertze bat ethorri
Zeru lurren artean nehor ez ageri.
Azkenekotz bihotza zaio belzten ari
«Oi han gelditu, banintz, Eskual-harrian ni.»
11
Bainan zure bertsuak irakurtzearekin,
Eskualdun khar baroa senditzearekin,
Bihotzeri Fedea zaioke berriz jin
Eta othoitz ederrik zinez du han egin.
12
Bai Eskual-Herrietan, Bai Ameriketan
Zure bertsuak dire aditzen orotan
Zuk zombat egin duzun arimen onetan
Jainkoak baizik ez du jakinen sekulan.
13
Ama Birjinak zaitu zeruan onhetsi
Zure laudorio hek ez ditu ahantzi.
Zombat maite zinuen guk dugu ikhusi,
Saritzat orai zaitu eraman Jesusi.
14
Alderdi orotarat gu barreaturik
Urrun baigabiltza bai Eskual-Herritik
oi Zaldubi maitea, zuk othoi zerutik
Eskualdunen Fedea atchikazu-chutik.