Beiñepin zu, Ama, errukitu zaitez!

Y., J.

 Erruki zaitez, Miren Ama ona

 enetxu goguaz;

 bestela naigabez laister dijoakit

 iltzera gaxua.

 Barren-barrenetik etsai gokaiztuak

 etorri dirade,

 bat-batean danak asarre bizian

 goguaren kaltez.

 ­Oi! aldi larriak, estu ta illunak!

 ­Enetxu goguak

 negar ugariak ixuri bai ditu!

 ­Gogo gixaxuak!

 Begi malkotsuak nekez ditu ideki,

 eta inguruan

 etsaiak besterik ez ditu ikusi

 enetxu gaixuak!

 Samurki, maiteki deitu dio garratz

 Jesus maiteari;

 baña ­au zoritxarra! iges egin dio

 Jaunak goguari.

 Beiñepin zu, Ama, errukitu zaitez

 enetxu goguaz;

 bestela naigabez laister dijoakit

 iltzera gaxua.

 Oñazez beterik an emen dabilkit

 gau t'egun malkotan,

 ain gorrotu ditun etsai gaiztoekin

 burruka gogorran.

 Demaiozu laixter indarra t'almena

 gaitzeko etsaiak,

 pozik bizi dedin Jesus maitiakin

 maitasun alaian.

 Beiñepin zu, Ama, errukitu zaitez

 enetxu goguaz;

 Bestela naigabez laister dijoakit

 iltzera gaxua.