Aiton-amonak

X.

 Biyak maite dute noski

 sukalde baztar aldea...

 Aitona konkor, bekoki ximur,

 amona kokox luzea,

 ta oyetxen adats-illea,

 txapel ta zapiz gordea

 adin-elurrez betea.

 Batak soñeko lizonak,

 galtzak ainbatez aitonak..

 igaro zaizte algara gozo,

 urte alayen txanda onak...

 Erbiyak bezin bizkornak

 begiyak zorrotz gizonak,

 belarri zuti amonak.

 Billobatxoen maitale

 alkarren leyan bai daude...

 bañan noizik bein aiton-amonak

 jarri oi ziran asarre,

 katu ta txakur antzalde:

 bata mutillaren zale,

 bestea nexkaren aide.

 Bañan asarre ariña,

 eudi parraxta berdiña;

 ta edonork daki ez dala eudi au

 lur ondatzaletzat diña...

 aitona piper egiña

 amonak zitalen griña...

 alkar maite dute ziña!...

 Odol gabe dauzke zañak,

 elbarri besape ta oñak...

 bero bitzate, oztu dira-ta,

 enbor itzalen sugañak,

 ta osa zar oyen ordañak,

 seme langille ta errañak,

 senar emazte-bikañak.