Irudi egokia

Xorrobi

 I

 Buru kaskariñ, txantxarra tente,

 begi zorrotz, buztan luze,

 olo aurrean nere ollara

 arro begira zazute.

 Arrigarrizko dantzalaria,

 burrukalditan garaille,

 berdiñik ez dun abeslaria,

 eztarri beroz goitzale,

 nere olarra ollar jatorra:

 bakar-bakarra gaur arte.

 II

 Oni begira pozik nagola

 etor zait gazte burgoia:

 begi-zartatsu, burua lerden,

 andiputz-aizez betia,

 janzkera lizun, ikur iraiña,

 nunaitik arrokeria...

 Nere ollarran begik jarririk

 diotzat ziñez egia:

 «­Antzez berdiñak!... Burrukaldi bat!

 ­Emen dek leikor aundia!»