Kondaira zarren erria

Xanti

 1

 Kondaira zarren erria

 Udalaitzen oiñarria

 bertsolari bat zuri begira

 daukazu jarria

 gaurko jendien larria

 jakin naian egarria

 ara bi itzetan lengo Arrasate

 ta oraingo berria.

 2

 Garai artan Arrasaten

 zer eginkizun zeuzkaten

 argitasunik nik ezin eman

 jakin dezazuten

 milla urte or nunbaiten

 etsai gogor askok irten

 Santxo Abarkak agindu eta

 arresitu zuten.

 3

 Zer ote zan Arrasate

 orain orrenbeste urte

 bira guztia itxita zeukan

 ormaz eta kate

 ordutikan orain arte

 kukuak asko jo dute

 zer aldakuntza orduko zarrak

 ikusko balute.

 4

 Jarri gaitezen begira

 erri zarraren erdira

 gure aurreko osaba zarra

 ren bizitokira

 orma zarren arpegira

 eleizaren alderdira

 orduko lanak gaurkoarentzat

 edergarri dira.

 5

 Urte askoren atzetik

 irten ziraden kabitik

 bere inguruan ekin ziraden

 lanean gogotik

 aspaldi izanagatik

 ezaugarri daude zutik

 Arrasateren zabaldutzea

 asi zan ordutik.

 6

 Aunditze bildurgarria

 astik eza ta larria

 burdi bideak baiño txarrago

 gure ibil tokia

 garbi dezagun erria

 badauka eta premia

 landu aiton-zarrak guretzat Jarri

 zun lorategia.

 7

 Eta gaurko Arrasate

 zuek danok dakizute

 txoko guztiak nolatan diran

 bizi tokiz bete

 kanpotik ainbeste lente

 gu danok estali arte

 eta txarrena beren kulturaz

 jantzitzen gaituzte.

 8

 Ez gaitezen lo geatu

 ori bai dala pekatu

 euskal errian bizi gerala

 azkar konturatu

 ikastetxeak indartu

 gure kultura goratu

 Biteri Aranan adar ezeak

 euskeraz loratu.