Aski!
Xalbardin
1
Mila bederatzirehun
larogeita zazpi
abenduan naski
ARGIAri eraso
diote errezki
euskarazko prentsari
egina prezezki
arrazoinaren ordez
hamaika aitzaki
ohiu bat Donostitik
Gasteizera aski!
2
Subentzioak eman
dituzte berandu
ta erdia kendu
hamahiru zirenak
jefeak esan du:
gehiegi dute eta
ezin da mantendu
seirekin militante
horiek kontentu
al zer zoriona zuk
lotsarik bazendu.
3
Bost bat urtez deusetik
gaur miseriara
pasatuak gara
normalizazioruntz
gure abiada
nahiz eta zuek jarri
orain barrikada
euskal kazetagintzan
langilerik bada
traba guztiak kenduz
aurrera euskara
4
Munduak mila buelta
eman ohi ditu
ta ez da gelditu
gaur agintzen duenak
bihar obeditu
zuen mexpretxuaz guk
indarrak berritu
jokoa oraindikan
ez baita amaitu
sakea berreskura
ta jotzen jarraitu
5
Eguardia iritsi
guztiak honuntza
eta anjelusa
errezatu ondoren
bagoaz haruntza
jo ezker paretara
eta zuen hutsa
eskubiaz ezin bil
jaunak hauxe poza
irabazle gertatu
gu, Larrun ta Susa
6
Zuen gainetik edo
azpitikan segi
sano ala eri
ezin baita-inor jarri
sokatik eskegi
Josu Legarreta ez
baizik legarregi
pastoral hori letu
pulpipotik guri
bainan bere gotzaia
Joxeba Arregi
|