Doan egazkin bati

Ayalde

 Lerro tipia zeru zabalean,

 odei tarteko soñularia;

 arestian urbil, orain urrun;

 eguzki urrea sabelean.

 Luma gabeko egazti aizun

 -sasi jainkoak bizia eman da-

 Lehenaren amets zorua,

 giza egalari, daramazu.

 Zure erraiñen mar-mar doñua

 guda naiz pakerako berdin.

 Oi! ezin ahantzi egun aietan

 zure orroaz geren izua!

 Gazte giñan, amen gonetan

 oraindik josiak. Ta bat-batean,

 zure itzal gorrizta, ankerra,

 zartu giñuna Udalen urtetan...