Matxalen
Urruzuno'k
Aizea buruan ta
Ibilli munduan
Ora or Matxelen'ek
Zer egiten duan
Geldi bedi aita ta
Amaren onduan
Ibilli gabe beti
Txoroen moduan.
***
Landare txikitik da
Egiten zuaitza
Su andia itzaltzen
Izaten da gaitza
Moda auek jarraitzen
Orain bagabiltza
Gereganduko degu
Denboraz ekaitza.
***
¡O bildots umilla
Ain ixil ixilla
Gurutzean illa
Beti gure billa
Zuri esker milla
Zerura nadilla
Ala gertu dedilla.
***
Ejenplo ona balitz
Sarri ikusiko
Gauz on asko lirake
Errez ikasiko
Matxalen onek eztu
Larburu utziko
Aurrera beti bertan
Dalako biziko:
Ala erabaki du
Denbora guziko.
Matxalenak munduan
Oraindik badira
Zorionaren billa
Jira eta bira
Inguratu nairikan
Osoro lurbira
Baña Larburu'koa
Bezela balira
Etorriko lirake
Atzera errira.
|