Josepacho-ren ametsa

Urrruzuno, P.M.

 Amets bategin det bart

 ¡Zenbat dedan goza!

 Kabitu ezinikan

 Barrunian poza,

 Banua esatera

 Dan bezala gauza,

 Bada bestela lertu

 Bear zait biotza.

 Usu biurturikan

 Igo naiz zerura,

 Tronarik ederrenen

 Baten ingurura;

 Gauza arrigarriak

 Datozkit burura,

 ¿Zer da, nire maiteak,

 Leku eder ura?

 Izarrez estaliya

 Tronu goi-urdiña,

 Eguzkiyaz jantzia

 Ango Erregiña

 Oñetan odei eder

 Aiñ ondo egiña,

 Nun ezagutu nuen

 Maria Birjiña.

 Eldarik tronu eder

 Aren egalera

 Abiyatu naitzayo

 Egan magalera,

 Baña begiratzian

 Azpiko aldera,

 Airian gelditu naiz

 Ez goi ta ez beera.

 Bere jantzi guzia

 Arrigarri fiña;

 ¿Nor ote da ekusten

 Dedan Seratiña?

 Tronuaren oñean

 An dago Fermiña,

 Gure ama chit maite

 Eta atsegiña.

 Biotz beretik dauka

 Mariak jarriya,

 Fermiñaren aora

 ¡Ay zer iturriya!

 Amorezko ur gozo

 Ain gustagarriya,

 Zerua irabazten

 Dutenen sariya.

 Ondoren eman dizu

 Mariak laztana,

 Utzitzen zaituala

 Ederturik dana

 Biurturik zerutar

 Guzia zugana

 "¿Nor da, galdetzen dute

 Aiñ ederra dna?

 Gatoz zure umeak

 Guziok bat-bana

 Poz-pozik erantzunaz:

 "An da gure ama;

 "Buruan koroyata

 "Eskuetan palma, 

 "Edertasun guzia

 "Berekin darama."

 Drist... drist... egiten ziran

 Zerbaitek koroian,

 Danak zuri begira

 Zeuden zeru-goian.

 Pozez choro egiñik

 Nenguan sasoian,

 Esnaturik ¡au pena!

 Arkitzen naiz oian.

 Oso pozgarriya zan

 Gabeko ametsa,

 ¡Ay zer pena: egia

 Izan bear-eza!

 Nere aldetik ezar

 Egiñ albaneza,

 Eskatu dot gogotik

 Entzutian meza.

 ¡O ama maitea! gaur

 Da zure eguna,

 Aspaldian gogoan

 Iduki deguna;,

 Agertu nai nizuke

 Osoro barruna,

 Asko mesederen naiz

 Zuganuntz zor-duna.

 Zori ontasunaren

 Beti gabiltz billa

 Jaungoikoak dizula

 Bendizio milla,

 Zeruan berriz goyen

 Arkitzen dan silla,

 Opa dizut; ta ala

 Gertatu dedilla.