Josefacho Jesusekin

Urruzuno, Pedro Miguel de

 Beti maitatzen nere maitia

 Beti zauzkat zu goguan

 Zugan pensatzen gau eta egun

 Zugan uda ta neguan;

 Jakiñ nai, baña galdetzen ezin

 Atrebiturik nenguan

 Esan zadazu ¿maite al-nazu?

 Esan zadazu beinguan.

 Onetan loak artu zuan eta iduritu zitzayon Jesusek esaten ziola:

 Uso zuria, lore ederra,

 Aur biyotzeko maitia

 Biyotz nerian zabaldurikan

 Daukazu beti atia,

 Amore biguñ zureganakoz

 Guzia bete-betia,

 ¡Atoz maitia, atoz biyotza,

 Atoz eta sar-zaitia!

 Orduko Josefacho da gaur Sor Josefa, Jesusen esposa Erligioan.