Erregeak Jesusekiñ izketan

P.M.

 -¿Nundik zatozte nere

 Errege maiteak?

 Alaituko nau zuen

 Berri jakiteak;

 -Sortaldetikan gatoz

 Jesus, zure billa,

 Igaroaz arrisku

 Igaroaz arrisku

 Eta neke milla.

 -¿Nola jakin dezute

 Jaioa naizela,

 Etortzeko Errege

 Leialak bezela?

 -Izar ederra digu

 Berria ekarri,

 Berari jarraituaz.

 Gatoz erriz-erri.

 -¿Jerusalenen ezer

 Zar atarik etzan?

 Eztizute Erodes

 Jaunak ezer esan?

 -Bisita dezagula

 Juatean atzera,

 Berare etortzeko

 Zu bisitatzera.

 Baña esan zazute

 Errege maiteak,

 ¿Etzaituzte izutu

 Bideko nekeak?

 -Bide guziak pozik

 Ditugu igaro,

 Zu arkitzeagatik

 Ondorean gero.

 -Erodes Erregeak

 Nai zaituzte galdu,

 Etzaitezte geiago

 Argana azaldu.

 -Ondo da, ta arzazu

 Dakartzugun prenda

 Intsantsu mirra eta

 Urrezko ofrenda.

 -Nere bendizioaz

 Zuen etsetara

 Zuazte orain, berri

 Onak ematera;

 -Batetik penaz eta

 Bestetikan pozak

 Bagoaz zuri emen

 Utzirik biotzak.