Beatak or dabiltza
Urruzuno Salegi, Jose Miguel
Beatak or dabiltza
beti errezuan,
suspiruak eginaz
pausuan pausuan;
iņork artu nai ez ta
ara eta ona,
orra estimazioa
munduak diona.
Goizero konfesatzera,
goizero eleizan,
norberanak gorde ta
besterenak esan;
korriotzat oberik
ezin liteke izan,
orra gure beatak
zer moduz dabiltzan.
Lapikuari palta
zaionian gatza,
gaņera aragia,
olio ta gantza,
arrek bai dadukala
beataren antza:
sustantziarik ez du
baņa bai esperantza!
|